ameliastrydomskryf

Mediese Romanse: ‘n 4D-Benadering tot die Genre (Deel 1) Februarie 26, 2012

Soos meeste ander skrywers, wou ek van kleins af skryf. Vir ‘n lang tyd het ek egter geglo dat my verbeelding nie goed genoeg is om fiksie te skryf nie. Ses of sewe jaar gelede het ek begin om op ‘n relatief gereelde basis in my dagboek te skryf. Dit was meestal niks vreeslik gestruktureerd nie, eerder freewriting, amper soos Julia Cameron se morning pages. Hierdie skryfoefening het my goed gedoen, en ek het dit al sterker begin oorweeg om my hand aan papier te waag. In die middel van 2009 het ek twee van Rykie Roux se mediese romanses by ‘n tweedehandse boekwinkel gekoop: Aarbeie vir Dokter Aliz en Die Dokter se Geheime Passie. Iets het in my brein gekliek. Ek wil só ‘n boek skryf, het ek besluit. Ek het egter nie dadelik begin skryf nie, maar eers gelees en nagevors. Einde September het ek met Droomdokter begin en Oujaarsaand het ek die laaste sin getik. Nou moes ek die moed bymekaarskraap om die manuskrip weg te stuur!

Manlief het die kosbare pakkie in Maart van 2010 gaan pos. Toe ek teen Oktober nog niks gehoor het nie, het ek per e-pos navraag gedoen. Hester Carstens het laat weet ek moet nog net so ‘n week geduldig wees, dan kan sy my laat weet oor my (‘baie goeie’) manuskrip. Vir meer as ‘n week het ek obsess oor wat ‘baie goeie’ nou eintlik beteken en of ek kon begin hoop of nie. Eindelik het die e-pos gekom: NB wou Droomdokter in Junie 2011 uitgee!

Intussen het ek nog twee mediese romanses geskryf en ‘n hele spul gelees – in Afrikaans, maar ook in Engels. Ek het die Internet gefynkam vir inligting oor die genre en elke artikel of blog-inskrywing gretig verslind. Wat jy hier lees, is ‘n opsomming van daardie inligting.

4D sonar

Vir die van julle wat nie tans op die kinders- of kleinkinders-kry-stadium is nie, ‘n 4D-sonar is ‘n drie-dimensionele ultraklank-skandering van ‘n ongebore baba. Die vierde dimensie is beweging – ‘n 4D sonar neem dus nie net stilfoto’s nie, maar wys al Baba se manewales in utero. Aangesien ek mediese romanses skryf – wat tot dusver nog elke keer afgespeel het in die wêreld van verloskunde – het ek gedink dat die 4D-benadering ‘n goeie een is om die sleuteleienskappe van hierdie genre te illustreer.

Die Voorblad van 'n 1977 Mediese Romanse

Mediese Romanse 1977

Laat ek begin met ‘n stukkie agtergrond oor die genre. Die mediese romanse is een van Harlequin/Mills and Boon se oudste aaneenlopende reekse. Dit het in 1977 begin as die Doctor Nurse Romance druknaam, is in 1989 verander na Medical Romance, toe in 1993 na Love on Call. In 1996 het dit weer Medical Romance geword en sedert Junie 2006 is dit bekend as Harlequin Medical. NB publiseer ‘n reeks Afrikaanse mediese romanses onder die druknaam Hartklop. Waar die voorgeskrewe lengte vir ‘n Harlequin Medical 50 000-55 000 woorde is, is ‘n Hartklop 55 000 woorde lank. Harlequin Medical gee maandeliks ses titels in die Verenigde Koninkryk uit.

Mediese Romanse 2012

Maar wat maak die mediese romanse uniek? Aan watter standaarde moet jy voldoen om ‘n goeie mediese romanse te skryf? Oor die volgende vier dae gaan ek die belangrikste eienskappe van die genre bespreek. Hierdie vier D’s van mediese romanses is: drop-dead gorgeous dokters, drama, diversiteit en diepte.

Die Eerste D: Drop-Dead Gorgeous Dokters      

Soos die genre se naam aandui, speel mediese romanses teen ‘n mediese agtergrond af. ‘n Paar dekades gelede was die heldin gewoonlik ‘n verpleegkundige en die held ‘n dokter. Deesdae weerspieël die karakters die veranderende rol van vroue in die samelewing en die mediese wêreld. Baie van die heldinne is nou self dokters – en ek het selfs onlangs twee Harlequins gelees waarin die helde verpleegkundiges was (wat heerlike potensiaal vir konflik skep as die heldin ‘n ietwat snobistiese dokter is). Daar is natuurlik ook ruimte vir ander mediese beroepe, soos fisioterapeute, arbeidsterapeute, paramedici en sielkundiges, hoewel hierdie rolle nog nie naastenby genoeg ontgin word nie.

In die mediese romanse werk beide die held en die heldin gewoonlik in ‘n mediese opset. Hier en daar kom mens ‘n storie teë waarin net die een party medies gekwalifiseer is. Die tweede lid van die paar werk dan gewoonlik in ‘n komplementêre beroep, soos die polisie of brandweer. Die romanse speel bitter selde tussen ‘n dokter/verpleegkundige en ‘n pasiënt af, aangesien daar in meeste lande etiese besware hierteen is. Dis nie ‘n ongehoorde storielyn nie, maar moet tog sensitief hanteer word. Dis baie meer algemeen dat ‘n dokter/verpleegkundige byvoorbeeld ‘n verhouding aanknoop met ‘n pediatriese pasiëntjie se ma/pa.

McDreamy

Wat is die trekpleister van die mediese romanse vir lesers? In my opinie kom dit alles neer op die held – ek (soos meeste ander lesers van die genre) wil lees oor ‘n drop-dead gorgeous dokter wat die heldin se voete onder haar uitslaan. Dink George Clooney in ER. Of die sogenaamde ‘holy trinity’ in Grey’s Anatomy (soos editor Flo Nicoll van Harlequin Medical hulle noem): McDreamy, McSteamy en Alex Karev. Of, as wounded heroes dit vir jou doen, kan die held selfs iemand soos die enigmatiese maar bedonderde Dr. Gregory House wees. Solank hy dodelik aantreklik, die beste in sy veld, en ‘n man met ‘n verlede is, sal die lesers tevrede wees.

Die held in ‘n mediese romanse is dikwels ‘n alpha male.Wat die genre egter

uniek maak, is die geleenthede wat die outeur het om hierdie alpha male se

George Clooney in ER

simpatieke, meer sensitiewe kant uit te beeld wanneer hy met pasiënte werk. Natuurlik moet hy ambisieus wees – ‘n regte man-van-aksie, maar hy moet ook ‘n bekoorlike bedside-manner hê. Ek het iewers gelees dat ‘n suksesvolle romanse-skrywer in gedagte hou dat die alpha held die ultimate nurturer is.

Hier is wat Harlequin Medical Senior Editor Sheila Hodgson oor helde skryf (ek het ongelukkig die link verloor na hierdie blog, laat weet seblief as julle dit kry sodat ek dit hier kan invoeg):

So, which kind of medical hero is your guilty pleasure? Is he:

The brooding hospital specialist?
Gregory House would be right at home here. Wounded, emotionally, physically or both. This hero is brilliant, but unreachable, except by the heroine! Though we’ve had GPs not dissimilar to him too!

The sexy maverick?          
Gorgeous, bit of a heartbreaker, but nothing (not even the rules) will get in the way of him being a great doctor to his patients. Unconventional to the core, a handsome rebel with a cause and a heart of gold – ripe for the right kind of woman, he just doesn’t know it yet.

The dreamy hot doc in a buzzing medical team?

McSteamy


The irresistible charmer, who isn’t afraid to get his hands dirty. He exists amongst the heated grapevine and eventful personal life of a crack, committed medical team. It will take a special woman to tame him, and the dialogue will be unsentimental but brilliant, there will be bags of emotion and plenty of passion. Instead of Grey’s Anatomy, try reading St Piran’s Hospital – starting in Medical Romance in December!

The family GP (or even a vet?!)
Gorgeous and brooding, or warm and charming, country or city doctors, a mainstay of this sub-genre, he has a heart of gold, and deserves to be part of a loving family.

The Private Doctor
Harley Street, doctors to the rich, famous or just plain royal. Gorgeous docs who inhabit a glamorous world. It can sometimes take a down-to-earth and gutsy heroine to make this guy whole.

And of course, there’s more – we have many types of medical heroes, more than you’ll see anywhere. And with a range of authors whose voices offer everything from traditional to the very now, witty humour, real banter, warmth, passion, and pure emotion – there’s so much choice there is something for every type of reader and every type of writer. And if it’s that continuity of setting, characters and community you love, then you’ll find plenty in Medical Romance. Go on, you know you want to pick one up, maybe even write one!

Die heldin in die mediese romanse is natuurlik ook baie belangrik, aangesien sy die persoon is deur wie se oë die leser die storie betree. Lesers hou van ‘n onafhanklike, spunky heldin wat nie op haar mond geval is nie en wat die held behoorlik op sy plek kan sit. Volgens die editors van Harlequin Medical is dit belangrik dat die held en heldin gelyk is – evenly matched soos hulle dit noem. Dit beteken gewoonlik dat die heldin – net soos die held – uiters suksesvol is in haar beroep. Die probleem hiermee is natuurlik dat dit tyd neem om die toppunt van die leer te bereik, wat impliseer dat mediese helde en heldinne in hierdie verhale dikwels in hul dertigs of selfs veertigs is. Ongelukkig lyk die modelle op ons voorblaaie dikwels of hulle net-net uit hulle tienerjare is …

Advertisements
 

One Response to “Mediese Romanse: ‘n 4D-Benadering tot die Genre (Deel 1)”


Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s